Увага! Па стане на 31.05.2010 даступна версія 1.0.9.
Што гэта?
Праграма аўтаматычнай канвертацыі дапаможа Вам перавесці базу дадзеных з фармата сервера Interbase 6.0, Yaffil, Firebird 1.x, Firebird 2.0.x і Firebird 2.1.x у фармат Firebird 2.5.

Канвертацыя ўключае:

  • Ацэнку і праверку даступнага свабоднага месца на дыску
  • Праверку зыходнай базы дадзеных на пашкоджанні
  • Праверку NOT NULL палёў на NULL значэнні
  • Бэкап і аднаўленне БД з ключамі FIX_FSS_*
  • Замену знешніх UDF на ўбудаваныя адпаведнікі
  • Перакампіляцыю захоўваемых працэдур і трыгераў
  • Перакампіляцыю ўяўленняў і вылічальных палёў
Утыліта не патрабуе наяўнасці на кампутары сервера Firebird.

Калі на кампутары прысутнічае сервер Firebird, праграма канвертацыі ня змяняе ягоных параметраў і не абнаўляе ягоную версію.

Усталяванне і запуск
Утыліта не патрабуе ўсталявання, не піша ў рэестр і сістэмныя тэчкі, не змяняе параметраў Вашага кампутара. Выкарыстайце любы з двух варыянтаў усталявання:
Выпампаваць і распакаваць архіў з праграмай. Запусціць файл fdbconvert.exe.
Выпампаваць усталявальны файл у фармаце PortableApps.com.
зпампаваць зпампаваць
Выкарыстоўвайце архіватар 7-zip для распакоўкі. Нумар бягучай версіі 1.0.9.
Пытанні і адказы
Утыліта можа пашкодзіць маю базу дадзеных?
Не. Усе пераўтварэнні выконваюцца на копіі базы дадзеных. Тым не менш, мы настойліва рэкамендуем Вам папярэдне зрабіць архіў базы і перапісаць яго ў надзейнае месца.
Я выканаў канвертацыю і цяпер не магу падключыцца да базы
Магчыма, Вы не абнавілі версію сервера Firebird. Кіруйцеся інструкцыямі на сайце firebirdsql.org. Утыліта канвертацыі не абнаўляе, не змяняе і ўвогуле ніяк не ўзаемадзейнічае з усталяваным у Вас серверам.
Я магу згубіць захоўваемую працедуру альбо трыгер падчас канвертацыі?
Не. Ані працедуру, ані трыгер, ані ўяўленне, ані вылічальнае поле. Калі аб'ект не кампілюецца ў Firebird 2.5, падчас канвертацыі яго тэкст можна змяніць альбо закаментаваць для наступнай апрацоўкі.
Я выкарыстоўваю UDF функцыі з старонняй бібліятэкі
Скапіруйце файл бібліятэкі ў кожны падкаталаг udf каталага app\FDBConvert\.
Як гэта працуе?
Добрае пытанне. Вы можаце разабрацца самастойна. Утыліта мае адкрыты зыходны код, які знаходзіцца ў тэчцы Source. Мы выкарыстоўвалі Embarcadero Delphi 5 (раней CodeGear Delphi і Borland Delphi) для кампіляцыі.
Хто мы
Кампанія Golden Software of Belarus, Ltd з 1994 года займаецца стварэннем і ўкараненнем праграмовага забеспячэння.

Наш флагманскі прадукт — тэхналагічная платформа Гедымін, прызначаная для хуткага стварэння эканамічных дастасаванняў. Платформа мае адкрыты зыходны код і выкарыстоўвае СКБД Firebird.

На базе платформы створаны дзесяткі галіновых і спецыфічных рашэнняў, якія эксплуатуюцца больш чым на 2000-х прадпрыемстваў у Беларусі.

Вы можаце звязацца з намі па электроннай пошце support[@]gsbelarus.com (выдаліце квадратныя дужкі з адраса).


На першую старонку.